Nuorttanaste

Kirsten LarsenMákká Kirste, Kirsten Larsen, riegádii čakčamánus 1935.

Son lei njealjejahkásaš go soahti bođii Norgii. Kirste muitá ahte olbmot manne girkui ja rohkadalle Ipmilii, lávlo ja čirro.

 

Go vuos duiskalaččat ledje ásaiduvvan Kárášjohkii, álge olbmot vuovdit ja lonuhaddat gálvvuid. Vaikko lei issoras, geahččaledje olbmot veahkehit serbialaš - ja ruoššafáŋggaid. Mánát maid oidne mo fáŋggat gillájedje.

Oktii savkalii eadni, Behta Niillas Mággá, Kirstii ahte galgá leiket gazzaruittu olggos, danin go lei oainnestan ovtta ruoššafáŋgga olggobealde. Árra iđit bohte duiska soalddáhat jearrat ahte leat go oaidnán ovtta fáŋgga mii lei báhtaran. - Eai eisege leat oaidnán makkárge fáŋgga, vástidii eadni. Moadde soalddáha manne návehii ja láhtui ránsáhkket. Sii čuggo bájoneahtain suinniid ja seahkaid. Diet issoras dáhpáhus bisánii Kirstte muitui. Kirste muitá ahte sii guovtti geardde gulle girdialárpma Kárášjogas. Oktii báhtaredje ollesolbmot ja mánát rohtui Niittugáttis. 

 

Čállán ja govven. Marie Kemi

Loga eanet Nuorttanaste nr 4- 2015