Nuorttanaste

MaleneLarsenGaino

Malene Larsen Gaino, (25) lea eret Guovdageainnus. Son bargá NRK Sápmis ja jurddašallá man unnán diimmut leat jándoris. Olmmoš lihkká iđđes ja doalvu máná mánáidgárdái ja veaigin leat fas moadde diimmu goas bearrašiin lea ovttas, ovdalgo velleda nohkat ja nuppi iđida bargá fas seammaládje. Ja nie mannet beaivvit ja jagit.

Loga eanet ...

 Berit Alette Anti
  -Vuosttaš jagi ledjen šohkas. Mus lei nu čiekŋalis moraš ja orron dego iežan bálddas vázzimin, iežan láidemin, muitalii Berit Alette Anti gii orru Kárášjogas. Su bárdni Tor Kenneth jámii 3.b.njukčamánus 2012 dušše guoktelogivihtta jagi boaris.

Loga eanet ...

 

Hearrá Ipmil, almmálaš Áhčči, don guhte guottát ja bisuhat almmi ja leat sivdnidan máilmmi olmmoščearddaid ja addán sidjiide sin ássanguovlluid. Mii giitit min álbmoga ovddas. Veahket min nu ahte mii vurket daid vieruid maid máddarat leat addán midjiide, buot divrras árvvuid mat leat dohkálaččat dutnje.

Jesus Kristus, don guhte vuolggahit apostaliiddát buot olbmuide, mii giitit du evangeliuma čuovgasa ovddas. Atte midjiide min suttuid ándagassii ja veahket min dahkat earáide dan maid mii ge dáhttut earáid dahkat midjiide.

Bassi Vuoigŋa, min jeđđejeaddji eallimis ja jápmimis, láide min bajás seavdnjadasas allatvuhtii nu ahte mii oaidnit máilmmi du bassi čuovgasis. Láide min boahtte áiggi sisa nu ahte mii beassat vádjolit ođđa Jerusalemii buot álbmogiiguin, don guhte ealát ja ráđđet Áhčiin ja Bártniin, okta duohta Ipmil agálašvuođas agálašvuhtii. Amen.

 

Davvisámi liturgiijagirji, 2011.s. 94.

Nuorttanaste bargiid bealis sávan buohkaide buori ja buressivdniduvvon ođđa jagi. 

 

Liv Tone Boine (doaimmaheaddji)

 

 

Giitit buohkaid geat dollet Nuorttanaste bláđi ja sin geat lohket dan. Giitit maiddái buohkaid geat leat searvan jearahallamiidda ja juogadan iežaset vásáhusaid Nuorttanaste lohkkiiguin. Ollu giitosat maid sidjiide geat leat nuvttá čállán bláđđái. 

Sávvat buohkaide buriid ja buressivdniduvvon juovlabasiid.

 

Dearvvuođat Nuorttanaste bargiin