Nuorttanaste

 

Hearrá Ipmil, almmálaš Áhčči, don guhte guottát ja bisuhat almmi ja leat sivdnidan máilmmi olmmoščearddaid ja addán sidjiide sin ássanguovlluid. Mii giitit min álbmoga ovddas. Veahket min nu ahte mii vurket daid vieruid maid máddarat leat addán midjiide, buot divrras árvvuid mat leat dohkálaččat dutnje.

Jesus Kristus, don guhte vuolggahit apostaliiddát buot olbmuide, mii giitit du evangeliuma čuovgasa ovddas. Atte midjiide min suttuid ándagassii ja veahket min dahkat earáide dan maid mii ge dáhttut earáid dahkat midjiide.

Bassi Vuoigŋa, min jeđđejeaddji eallimis ja jápmimis, láide min bajás seavdnjadasas allatvuhtii nu ahte mii oaidnit máilmmi du bassi čuovgasis. Láide min boahtte áiggi sisa nu ahte mii beassat vádjolit ođđa Jerusalemii buot álbmogiiguin, don guhte ealát ja ráđđet Áhčiin ja Bártniin, okta duohta Ipmil agálašvuođas agálašvuhtii. Amen.

 

Davvisámi liturgiijagirji, 2011.s. 94.

Nuorttanaste bargiid bealis sávan buohkaide buori ja buressivdniduvvon ođđa jagi. 

 

Liv Tone Boine (doaimmaheaddji)

 

 

Giitit buohkaid geat dollet Nuorttanaste bláđi ja sin geat lohket dan. Giitit maiddái buohkaid geat leat searvan jearahallamiidda ja juogadan iežaset vásáhusaid Nuorttanaste lohkkiiguin. Ollu giitosat maid sidjiide geat leat nuvttá čállán bláđđái. 

Sávvat buohkaide buriid ja buressivdniduvvon juovlabasiid.

 

Dearvvuođat Nuorttanaste bargiin

 

Juovladearvuođat

Eŋgel celkkii: «Allet bala! Mun muitalan didjiide stuora ilu, ilu mii gullá olles álbmogii: Didjiide lea odne beasti riegádan Davida gávpogis; son lea Messias, Hearrá. Ja dát lea didjiide mearkan: Dii gávdnabehtet máná gissojuvvon ja veallámin kruppás.» (Luk 2,10-12)

Loga eanet ...

Nuorttanaste ilmmai 1898. Muhtimat oidne dalle juo man dárbbašlaš lei gulahallat sámegillii. Nuorttanaste lea ceavzán golbma čállinvuogi čađa ja dán bláđi atnet ollu sámegielagat hui mávssolažžan. Min máttarádját ja máttaráhkut ovddidedje čálalaš sámegiela dolin juo go čálle Nuorttanastái.

Nuorttanaste áigumuš lei ja lea ain fievrridit risttalaš ságaid sámiide iežaset gillii, ja dat fievrrida lohkkiide oasážiid sámi kultureallimis. Sámi čalbmái lea vuogas oaidnit čállojuvvon giela. Dat maid olmmoš oaidná, muitá buorebut. Nuorttanaste čállosiid heive lohkat odne, maŋit vahkus ja máŋgii, dan ságat eai boarásmuva. Bláđi giela sáhttá guorahallat, vaikko skuvlabarggus. Dus lea vejolaš váikkuhit Nuorttanaste sisdollui Dan dagat go čálát bláđđái, doalat bláđi ja buvttát rámi ja cuiggodeami.