Nuorttanaste

 

Dálkkádatšiehtadallamat álget ON dálkkádatčoahkkimis maid gohčodit COP21. Máilmmi njunnošat šiehtadallet vuoiggalaš dálkkádatšiehtadusa, nu lea sin ulbmil. Čoahkkin bistá guokte vahku ja dan áiggis lea olu mii dáhpáhuvvá Parisas.

Girkolaš ásahusat leat álggahan dálkkádatpilegrima 2015. Ulbmilin lea oččodit vuoiggalaš dálkkádatšiehtadusa riikkaidgaskasaččat. Olu olbmot vádjolit Parisii ja dan vádjoleamis galggaše de oasseváldit guorahallat olbmuid ja sivdnádusa gaskavuođa, olbmuid ja Ipmila oktavuođa ja olbmuidgaskasaš oktavuođa. Dálkkádatrievdamat čuhcet geafimusaide ja vádjoleaddjit geigejit vuolláičállagiid riikkaid njunnošiidda Parisas. Dát galggaše dasto goahcat nu ahte dálkkádatrievdamat bisánit ja vuoiggalaš šiehtadusat dahkkojit.


Dat fápmu maid Ipmil addá, lea dego elrávdnji, dat ii vurkejuvvo du duohkái. Dat boahtá dalle go don dan dárbbašat. Don oaččut fámuid nu ahte nagodat guoddit dan noađi mii dus lea. Biibbalis daddjo: "Dat gii sárdnida, sárdnidehkos Ipmila sániiguin. Ja dat gii bálvala, bálvalehkos dainna givrodagain maid Ipmil addá, vai Ipmil gudnijahttojuvvo juohke dáfus Jesus Kristusa bokte. Sutnje gullá hearvásvuohta ja fápmu álo ja agálašvuhtii. Amen." (1 Peter 4,11)

Jus mun beasašin eallit ođđasis...

Mun duosttašin eambbo...

- vuoiŋŋastit.

- muddet oaiviliiddán.

- mieđáhallat.

- leat eambbo ovttageardán.

- gulul váldit.

- muosáhit.

- várdát.

- dulvvi gállit.

- buollaša gierdat.

- jorrat karuseallas.

- vajáldahttit ihttáža.

- otná beaivve illudit.

- duostat iluid illudit.

Mun čorgešin hirssa iežan čalmmis,

dan sadjái go earáid riibaiguin váivašuvvat.

 

Čállán Ántte-Rávdná

Dál lea čakčamánnu. Kaleanddár ja luondu muitaleaba dan.  Lasttat leat ruškkodan ja rássi ja suoidni leat goldnan. Davvi eatnamis vuoitigoahtá seavdnjat beaivečuovgga badjel. Beaivvit ja ijat čoskkodit ja čakčabiekkat gullogohtet ja dihttogohtet. Dieđusge dáhpáhuvvá ain ahte lieggadálkkit finadit dego hoahpus guossi. Luondu lea dál ráhkkanišgoahta vuoiŋŋastanáigái ja ođđa eallimii, -  boahtte jagi giđđii ja geassái.

Jagi áiggit vásset. Nu dahká olbmo eallin ge. Luonddu čavčča buohtastahttit eallima boaresvuođa áiggiin.

Loga eanet ...

Dál leat Nuorttanastes fas olles leavttuin bargamin. Borgemánu nummar lea sáddejuvvon doalliide. Jos it leat vel abonneanta de diŋgos dál. Lea hui álki. Boahtte mánus leat dus dalle bláđit. Don sáhtát maid skeŋket bláđi. Sáddes diŋgojumi, čále geasa skeŋket ja geasa galgá rehket.